خلوني اخذ راحتي | حي الرفيق اللي ليا ضاقت علي الارض ضاق | خالد ال بريك | بطيئ ♪

كلمات : صنهات حشر

على الطريق اللي نهاياته بدايات انطلاق
يبدا الخيال يعيش جوه والقديم يجدده

خلوني اخذ راحتي وارتاح من ضيق الخناق
محتاج لي سجه تعيد الراحه المستبعده

ياخذني التفكير لـ ابعد مرحله وابعد نطاق
واعيش في غربة عن الواقع ورحله مجهده

منها يمر البال في ضيقه وهمً مايطاااااق
واميل للعزله واشوف ان الظروف معقده

ماصعب من شعور الفراق الا شعور الاشتياق
همً يطاول راعي الفرقا ونارً موقده

من يكثر التفكير فالدنيا ولحضات الفراق
يمكن يبين الحزن في عينه ويجفا مرقده

كافحت فالدنيا بعز وذقت شيً مايذاق
مامرت ظروف الليالي باردة ومبرده

بيني وبين العز وسلوم العرب عقد اتفاق
رصيدي اللي ماملكته في بنوك الارصده

رزقي وتوفيقي على الله خالق السبع الطباق
اعيش لحضاتي ولا افكر فِ بكره و وبعده

كم من سليمً شكله معافا وتفكيره معاق
يمشي على البيدا برجلينه وعقله في يده

اليا انفتح للشر باب يصير كنه في سباق
واليا نصيته في مجال الخير كنك تطرده

الخير والمعروف مايجزا بصده وانشقاق
على الاقل اليا تجمل فيك احد لاتجحده

حي الرفيق اللي ليا ضاقت علي الارض ضاق
يسعدني اليا شفته اسعد واحد الله يسعده

صدره خلي من الحسد والحقد واسلوب النفاق
لاشفته افقد ضيقة الخاطر عساني مافقده